獨家原創！加拿大移民方法大檢閱，一圖睇晒所有移民途徑! Part 1
source link: https://immiacademy.com/%e7%8d%a8%e5%ae%b6%e5%8e%9f%e5%89%b5%ef%bc%81%e5%8a%a0%e6%8b%bf%e5%a4%a7%e7%a7%bb%e6%b0%91%e6%96%b9%e6%b3%95%e5%a4%a7%e6%aa%a2%e9%96%b1%ef%bc%8c%e4%b8%80%e5%9c%96%e7%9d%87%e6%99%92%e6%89%80%e6%9c%89/
Go to the source link to view the article. You can view the picture content, updated content and better typesetting reading experience. If the link is broken, please click the button below to view the snapshot at that time.
獨家原創！加拿大移民方法大檢閱，一圖睇晒所有移民途徑! Part 1
想申請加拿大救生艇嘅你，下一步要做啲咩？幾耐先可以入籍攞Passport呢？如果唔合乎救生艇資格，仲有咩其他選擇呢？ Ted Sir為大家做咗一個加拿大移民分析圖，一套睇晒所有移民加拿大嘅途徑。用decision tree “决策樹”嘅方法，同你分析邊個方法最適合你。
事不宜遲，我哋第一時間睇吓幅分析圖先。整幅分析圖，包含咗最新嘅救生艇計劃、聯邦政府嘅技術移民、難民申請、caregiver計劃及省提名計劃等，信息量非常非常豐富。我冇可能係一條短片內解釋晒所有分析圖內所有嘅資訊，我將會分開幾集為大家逐個部份詳細解釋。
這個分析圖的用法非常簡單，我哋由最頂端開始，逐個問題逐個問題咁答，跟住箭嘴一步一步咁行，就會去到最終適合你嘅移民方案。每個問題最多只有三個答案，一係Yes，一係No，一係I don‘t know。跟着一步一步走，最終總會有答案。
今集，我會同大家睇咗幅圖嘅最左邊先，就係過去五年之內有學歷畢業嘅朋友。如果你過去五年之內冇學歷畢業的話，可以直接跳到下一條短片，我會詳細解釋過去五年之內冇畢業嘅朋友，有啲咩選擇。
首先，我哋由第一個問題開始。過去五年內有沒有畢業於任何課程。如果答案係有，我哋就跟着箭嘴去到下一個問題。最近畢業嘅學歷係咪等於或者高於加拿大國內兩年文憑或以上嘅程度呢？這個問題的答案只有三個。一係”不是”、一係”是”、一係”不知道”。如果你的答案是”不是”的話，你就不合乎資格申請Open work permit。有睇開我短片的朋友都知道，如果不合乎資格申請Open work permit，簡單來講就行唔到stream B。所以佢只可以行stream A. 唔知stream A stream B係乜嘢嘅朋友，可以睇返我之前呢條短片。咁行得sream A，就即係讀書移民，讀書移民就當然要讀書啦，所以下一步，就係申請報讀加拿大境內兩年文憑程度以上嘅課程。要合法喺加拿大讀書，就當然要申請學生簽證。而如果學生簽證成功批出嘅話，就可以到加拿大入學。成功畢業之後就可以透過Stream A，申請永久居民身份，成功成為永久居民。
咁成為永久居民之後，要住幾耐先至可以申請入籍同加拿大護照呢？呢個問題成日有人問。根據加拿大嘅移民法，永久居民如果係五年之內，住夠三年，就可以申請入籍同護照。(對於永久居民嘅居住要求，點樣先至可以保住自己個永久居民身份，點樣會俾人取消永久居民身份，這個真係要好小心，我會另外拍片詳細解釋。)
咁話說回頭，如果學生簽證申請被拒簽呢，咁又點？如果學生簽證俾拒簽，其實可以考慮搵專業人士幫你再遞交申請，例如註冊嘅加拿大移民顧問，因為佢哋處理嘅個案一定比你自己多，佢哋有經驗點樣提交一個合格嘅study Plan，同幫你執齊所需要嘅完整文件，增加學生簽證嘅成功率。
而如果最後個學生簽證都係批唔到落嚟，你就可以幫自己計吓分，睇吓聯邦技術移民之下嘅Federal Skilled Worker 你夠唔夠470分，如果夠的話就可以申請聯邦技術移民Federal skilled worker 。如果收到ITA的話也可以直接成為永久居民，住夠日子也可以申請成為入籍及護照。(至於技術移民點樣計分，是一個很大的課題，我之後會再拍片詳細解釋。)而如果計過唔夠分，都唔需要灰心，因為咁係好正常。只需要跟住箭嘴行，後面都會有方案幫得到你移民加拿大嘅。我會喺這個系列的另一條短片詳細解釋。
咁返番轉頭，如果你過去五年嘅畢業證書，係等於或高於加拿大境內兩年文憑程度以上，咁又點呢？ 下個問題，你就要問下自己，呢個學歷係咪係2017年9月之前畢業既。因為如果你喺呢個日子之前畢業嘅話，就算你攞到Open work permit，到左加拿大後即刻工作一年，係你申請streamB嘅時候，你的學歷已經過咗五年。而因為你的學歷已經超出五年範圍以外，所以日後既stream B唔會批得到俾你。我拍呢條片嘅時候係2021年嘅6月，所以如果你睇片嘅時間係2021年嘅九月嘅話，這個畢業嘅期限就順延多三個月，即係2017年嘅12月，如此類推。
咁如果你嘅學歷不是在2017年9月之前畢業嘅，咁你就可以申請Open work permit 來加拿大工作三年，累積工作夠1560小時之後，就可以透過stream B申請永久居民身份。之後同樣地住夠日子，就可以申請入籍及護照。咁但係如果你嘅學歷係畢業於2017年9月之前嘅話，你有兩條路揀。第一，你可以過來讀書，畢業之後申請stream A. 第二，你可以考慮照樣申請Open work permit，因為你的學歷在現在確實是在過去五年來畢業的，所以你現在是合資格申請open work permit的，只不過是在之後申請stream B的時候，不會合乎五年學術資格而已。但你照樣可以申請Open work permit過來加拿大工作。為何要這樣做呢？因為如果你累積了在加拿大的工作經驗，其實是打開了你申請省提名、技術移民的大門。因為在加拿大本地有工作經驗的人，在申請省提名及技術移民的分數上也會有很大的優勢。這方面嘅優勢可以好好利用。如果聯邦技術移民或省提名成功的話，也會直接得到永久居民身份，之後住夠日子，也可以同樣申請入籍及護照。另外，你也可以選擇在加拿大工作期間，在網上讀一個兩年文憑程度以上的課程。畢業後，就可以符合資格申請stream B.
返番轉頭，如果你過去五年畢業嘅學歷並不是學士、碩士或博士的話，而且你又唔清楚這個課程係咪等同於加拿大境內兩年文憑以上程度嘅話呢，你應該將你嘅最新學歷拿到W E S申請學歷認證。這個認證程序大概需要兩個月，如果認證結果顯示你這個課程程度是等於加拿大境內兩年文憑程度或以上的話，包括2 years diploma, bachelor degree, master degree, doctoral degree的話，你就可以憑着這個認證結果，去申請Open work permit. 但係如果這個認證結果顯示這課程的程度低於兩年文憑的話，你就不會符合資格申請Open work permit. 亦都用唔到Stream B. 所以剩低嘅就只可以行Stream A。
歡迎留言討論或提議你有興趣想知的題目
Recommend
-
86
问与答 - @Messiv2 - 分享下我的坎坷移民经历。08 年三鹿奶粉事件的时候，决定移民。12 年递出申请材料，走的是魁北克技术移民。15 年移民局寄出了 CSQ （魁省方面的批准），我们没有收到。之后各种所谓的
-
45
-
3
加拿大联邦技术移民评分表及可移民职业清单(2011.9.21) Jack Liu 14/Sep/11 阅读(58,242) 评论(
-
5
40岁单身母亲：救救孩子，为了孩子移民(加拿大) Jack Liu 27/Mar/11 阅读(32,078) 评论(
-
7
加拿大移民部长拟推技术移民改革 受聘者优先审核 Jack Liu 2/Feb/12 阅读(5,882) 评论...
-
5
加拿大华裔移民因网络吵架而在法院行刺 WinterIsComing (31822)发表于 2021年05月...
-
12
我这艰难的五年移民之路(加拿大) Jack Liu 27/Mar/11 阅读(58,039) 评论(
-
4
无权无势的普通人谈谈移民加拿大后的生活 Jack Liu 8/Dec/11 阅读(65,679) 评论(
-
3
回忆我艰辛的移民经历(加拿大) Jack Liu 12/Mar/11 阅读(59,236) 评论(
-
1
移民加拿大費用大公開 | 申請費、中介費、資產身家、生活費需要多少? ...
About Joyk
Aggregate valuable and interesting links.
Joyk means Joy of geeK